Bummel 2023

Nit as es amänd vergässe goot mecht y de Oorganisadoore e grosses „Danggerscheen“ usspräche. Dr Gigi und dr Cyrill hän e tolls Brogramm fir d'Gwäggi zämmegschtellt. S'isch e herrlige Bummel gsi.Am 12. Meerz 2023 hän sich d „Basler-Gwäggi“ zue iirem Bummel droffe. Wie allewyyl, ischs am niini bim Cyrill dehaim loosgange. Nooem Friiehschobbe hänn mer amene  ryychhaltig deggte Disch Blatz gnoo und e ussgiibige Bröntsch gnosse. E härzliggs „Danggerscheen“ au an d Simone. Am 11:20 sin mer denn Richtig Drammstatioon gloffe und mitem Drämli bis Moorgaartering, in 36er umgstiige und bis zem Lehemattquartier…continue reading →

Fasnacht 2023 – D Gwäggi uf dr Route

Bald isches sowiit. D' Basler Fasnacht 2023 kunnt in groose und schnälle Schritt auf uns zue. Am Fasnachts-Mändig starte mir im Glai-Basel auf dr üssere Route in der Clarastrasse vor-em Holzschopf. Uf-em Routenplaan isches d' Position 13, loos goots am halbi Zwei. Mir wärde sicherlig ab de 12i derte sii und scho emol e glaine Apero nee. Bisch also härzlig willkomme. Am Fasnachts-Zyschdig sin miir uf em Kassärneareal an der Waage-Usstellig z' finde. Ab de 2i bis ca. am 5i gits wieder e herrligs Raclette. E Bsuech würdi uns notirlig seer freue. Am…continue reading →
Bummel 2020

Bummel 2020

Trotz „Corona“; am 15. Merz 2020 hänn sich d Basler-Gwäggi zue iirem Bummel droffe. Los gange isch es, wie s letscht Joor, in Allschwil bi aim vo de zwai Organisatore (Cyrill) uff die halber elfi de morge. No em Friiehschobbe hänn mir am rychhaltig deggte Disch Platz gno und hänn ussgiibig dr Bröntsch gnosse. E härzliggs Danggerscheen an d Hälferinn und d Hälfer. Am halber zwai isch den Uffbruch aagsait gsi. D BVB hett uns an Bahnhof brocht. Die erschte Vermuetige sinn lutt worde, dass mir e Revansch, bim Boolingspiile bikemme. Aber nyt…continue reading →
Bummel 2019

Bummel 2019

Am 24. Merz 2019 hän sich d Basler-Gwäggi zue iirem Bummel droffe. Los gange isch es in Allschwil bi aim vo de zwai Organisatore (Cyrill) uff die zääni de morge. D Gwäggis sin mit eme ganz tolle Bröntsch verweent worde. E härzligs Danggerscheen au an d Simone. No däm alli dr Buuch gfillt hän, isch es mit der BVB wyter gange an Baanhof SBB. Nacheme glaine Fuessmarsch iber d’Bassrelle sin mir bim Bowling-Center aakoo. Do sin zwai Baane fir uns reserviert gsi. Me hett in dääne knapp zwai Stund gli gsee wäär in…continue reading →
E glaine Rüggbligg uf unser Jubel Uusflug nach Krakau

E glaine Rüggbligg uf unser Jubel Uusflug nach Krakau

E herrlige Uusflug in e scheeni und interessanti Stadt mit tolle  Sehenswirdigkeite isch vyyl z'schnäll verbii gange. Nacheme kurzwiilige Flug nach Krakau isches direggt ins Hotel und aaschliessend zem erschte organisierte Ässe gange. In dr traditionelle Krakauer-Beiz "Starka" hets wärschafti Koscht herrlig zuebereitet ge. Aaschliessend isches no e weneli uf Erkundigsduur gange, was die Stadt am Oobe bietet. Nur so vyyl, s aint oder ander Bierli oder Wyyli hets scho no ge, es isch uf jedefall nit langwiilig worde. Am Frytig uf die eins hets dene s erschte "Hailait" ge; bi scheenem Sunneschiin…continue reading →
D’Gwäggis uf em Jubel Uusflug

D’Gwäggis uf em Jubel Uusflug

Mir fyyre in däm Joor jo unser 35 jöörigs bestoo. Mir nämme das als Aloos fir e vier däägige Jubel Uusflug nach Krakau in Pole. Dr Pit als Scheff Organisator fir unseri Uusflüg het wider aimol me e Programm fir uns zämme gstellt wo uns Kulturell wie au Kulinarisch unterhalte duet. Mir leen uns überrasche, wievyyl Meile mir diismol derfe laufe. Los goots am 26. April 2018 mit em Träff ufem Flughaafe Euroairport. Mir wärde aaschliessend sicherlig e glaine Rüggbligg ge.continue reading →
D’Gwäggis an dr Basler Fasnacht 2016

D’Gwäggis an dr Basler Fasnacht 2016

Wie jeedes Joor ghömme au miir nid um das umme, e glaine Ruggbligg vo dr Fasnachtsusgoob 2016 z'verfasse. Jetzt ghönnte miir nadyyrlig alles so schön schöön schriibe wie all die Schundblädli in unserem Land. Oder sogar e schnulzigs Querschnid-Filmli draie wie die nazionaale und lokaale Glozzkischde-Sänder. Doch miir hän uns entschiide, bi dr woored z'bliibe. Es isch also nid alles so schöön gsii wie me uns will Wyss mache. Und miir miens jo wysse. Schliesslig sin miir vo oobe bis unde wiss gsii. So heds au in däm Joor  e baar Zivilischte gää…continue reading →
Yylaading zur Waage Vernissage

Yylaading zur Waage Vernissage

Wie jedes Yoor hänn miir au in dämm yoor e Waageyvernissage. Es soll jo gebüürlig gfiirt wärde, as miir rächzitig fertig sind woorde mit em Waage fir d Basler Fasnacht. Drum laade miir euch zu unsere Waagevernisage ii. Bis zum Schluss isch unser Sujet e Ghaimniss bliibe, wo sälbscht dr schwyzer Ghaimdienscht nid hed ghönne erligge. Am 13. Februar löse miir s'Sujet-Gheimnis ganz uf. Wenn du wüsse wilsch was und wie miir unser Sujet usspiile, den ghunsch zu unsere Vernisage. S'Programm stoot au scho fescht. Es git ei, zwei Überraschige. Los dir das…continue reading →
Dr letschi Waagebau vo dr Fasnacht

Dr letschi Waagebau vo dr Fasnacht

Miir sind baraad! D Fasnacht gha ghoo. Bis zletscht hänn miir unser Sujet ghaim heebe ghönne. Sälbscht dr schwyzer Ghaimdienscht het nüt vo unserem Sujet ghönne erligge. Guet, wenn me waiss was fyr Schmiirlumpe deert schaffe, den isch daas au nid wyters verwunderlig. Wie au immer. Syt em Rädäbäng isch es den au fir die Schloofghappe den klaar woorde was miir usspiile. Nur guet das miir e lieblig Thema hänn usgsuecht. Sunscht hätte die no miesse richtig schaffe, do dr Cortège jo zu de Bürozyte stattfinded. Das wär womööglich no unagnääm woorde fir…continue reading →